طرح المشاكل وحلها

سوما انا مخنوقة اوى مشكلتى انى حاسة بفراغ ووحدة جامدة بالرغم ان ليا اخ واخت بس فنفس الوقت باعتبر ان مليش اخوات لاننا بعاد عن بعض وعمر ماحد فينا حس تانى ولا حاول يقرب منه انا عايشة مع ماما لوحدنا وهى بالنسبالى مش اكتر من ام وحاولت اعتبرها صديقة مقدرتش اقرب منها لانها مدتنيش الفرصة نفسى الاقى حد يسمعنى ويحس بيا نفسى اخرج مالوحدة والمملل اللى انا فى مفيش فى حياتى اى تغيير كل يوم بيبقى زى اللى قبله ويمكن اسود منه قوليلى اعمل ايه لانى بجد اتخنقت وباتمنى الموت فكل لحظة

الا بذكر الله تطمئن القلوب
انستى سوسو
تقربى من الله اكثر
سترين اشياء لم ترينها من قبل
وادعى الله ان يفرج همك ويذهب كربك
وتقربى من اصدقاءك اكثر
ومن تجديه قريبا الى قلبك
اجعليه يشاركك همومك وافتحى قلبك له وحدثيه عن كل مشاكلك
تقبلى مرورى

اولا: انا عايزاكى تعملى بكلام الرجل المستحيل
لان فعلا قربك من ربنا هيغنيكى عن حاجات كتير
ثانيا: ياريت انتى اللى تقربى من اخواتك حتى لو هما مش حاسيين بيكى
اتصلى بيهم واسألى حتى لو مش سألوا قربك ليهم هيخليهم يقربوا منك
وابدأى انتى لما تتعبى شوية فى الاول هتحسى فى الاخر انك عملتى حاجة
لما تلقيهم حنبك زى ما كنتى تتمنى وبالنسبة لمامتك بردوا حاولى تتكلمى معاها
ولو مش اديتك الفرصة حاولى مرة تانية لان يمكن انتى لجأتلها فى وقت مشغولة فية مثلا
لانى مش عايزة اتحامل عليها لان يابنتى اى ام فى الدنيا بتبقى هى اللى نفسها تقرب من اولادها
وانتى وهى لوحدكم زى ما قولتى يبقى لو فى بعد يبقى منك انتى
وانتى اكيد ليكى اصدقاء لو فى حاجة مضايقاكى اتكلمى معاهم وقربى منهم لان كتير بيكون الصديق اقرب من الاخ
وحاولى لو مش بتشتغلى دورى على شغل ينسبك لان الشغل هيكون عامل اساسى ف انك تكون احسن ومش تحسى بالوحدة ان شاء الله
وبجد بلاش تقولى بتمنى الموت لان فعلا والله فى ناس كتير بتحبك
ويصعب عليها حتى انك تغيبى فترة عنها وانا وحدة من الناس دى .
يارب اكون قدرت افيدك واكون قدرت اساعدك
لو اقتنعتى بكلامى حاولى تعملى بية وان شاء الله خير
مستنية ردك

سوماااااا

متشكرة ليكى يا سوما انتى ورجل المستحيل
وانا بجد باحبكم اوى انتم اللى مخففين عنى
حاجات كتير ربنا يخليكم ليا وانا هاحاول
اعمل بكلامكم

بتمنى انك تلاقى حل لمشكلتك دى بجد بس زى سوما مقاله حاولى انك انتى اللى تقربى الاول من اخواتك وحسسيهم انك محتاجه تتكلمى معاهم واكيد هما هيحسو بيكى تقبلى مرورى