رحله حول العالم

انا لو غمضت عينى وفكرت فى بلد احب ازورها هتبقى
مصر
لانها اروع بلاد الله
وعمرى ما اتمنيت ازور غيرها لانها ام الدنيا
نفسى اعرفها اكتر واكتر بكل ما فيها من كنوز وخيرات
واروع ما فيها النيل والاهرامات
لانها تستحق انها تتعرف اكتر
موضوع شيق جدا
وننتظر منك كل جديد انستى ايمان
دومتى بود
تقبلى مرورى

اكيد مصر اروع بلاد الدنيا
لانها البلد الوحيدة الى مهما تلف وتسافر
حتلاقى فيها ناس مستنياك ومبسوطه بيك
وان شاء الله تكون اول بلد نتكلم عنها
وعن كل محافظه فيها
وشكرا ليك

يكفى ان مصر ذكرت فى القراءن الكريم بس لو خيرونى عن بلد اتمنى اروح روسيا مش لانى عارفاها واعرف معالمها السياحية لانها غريبة جدا كفاية منظر الثلج نفسى اقعد فى لوحدى اعيش لوحدى فى مكان زى ده وتامل قدرة ربنا سبحانة وتعالى ازاى بلد مش بتشوف الشمس غير كل ستة اشهر طولت عليكم
تقبلى مرورى وموضوع شيق وفى انتظار المزيد


(دودو)

اكيد طبعا يا دودو حنتكلم عن روسيا
ان منتظرة اعرف ارائكم كلكم عشان نحدد بلد ونتكلم عنها
يا ريت كلنا نشارك

[font=Comic Sans Ms][/font
انا قرات اول الموضوع ةبعدين انتقلنا من تايلاند لمصر وحب مصر
بس انا ليا سؤال ليه علمونا نكره مصر
ليه خلونا اول ناس بتسئ لمصر
انا مقدرش اقول انى بحب مصر
لانى معملتش الى حاجه لمصر
ونفسي ما اكونش فى مصر بجد
انا مبحبش الشعارات وانى اقول زى الناس
انا بحب افكر فى اللى بقوله
ليه ححب مصر ممكن قبل ما نقول بنحبها نفكر ليه
ليه ححب بلد حاسس انها ما بتدنيش
حاسس انها بتاعه ناس تانيين
كلنا بنحب ننتمى لحاجه دى طبيعه البشر
وعلشان كده اتخلقت كلمه وطن
لكن مينفعش انتمى لحاجه ما بتنتميش لى
انا ما بقولش كده عاوزكم تكرهوها
انا نفسي من جوايا احبها
بس مش قادر اخدع نفسي
ونفسي لما تقولو بنحبها تفكرو ليه
لان دى الطريقه الوحيده اللى ممكن نصلح بيها مصر
اسف لو طولت عليكم
ولكنى ارفض الشعارات والكلمات الرنانه]

بس بجد لو حبيت اروح مكان
نفسي اروح ارض خالى
نشوى دره ونشرب شاى
ونحمص فول سودانى اخضر على النار
على فكره طعمه خطير وهو لسه طالع من الارض
ويتشوى على النار مختلف تماما عن السودانى اللى نعرفه
والعصر اخد السناره واقعد على الترعه اصطاد سمك
ولما ييجى المغرب نروح كلنا
نتلم على طبليه العشا
وبعدين نخرج نعمل حلقات فى الجرن
نتكلم ونحكى حكايات العفاريت
وناكل بشمله

ياريت لو فيه رحله كده احجزولى عليها تذكره ذهاب بلا عوده

انا معاك يا ميدو بجد نفسى اروح مكان زى ده الهوا النقى الطبيعة الخلابة بجد مكان ساحر كفاية تحس بلدفا وانت قاعد حولين الحطب ونشوى الدرة بجد انت قلت حكمة

نرجع ونقول ان مصر هبة النيل
ومش هننكر ان دولة دولة وليها مميزاتها وجمالها
لانها من ابداع الخالق عز وجل
موضوع رائع جدا ونتمنى الاستفادة منه
تقبلوا مرورى